(0341)255473 info@rch.ge
რეგისტრაცია

ჯანმრთელი საკვები

administrator 9-09-2016, 00:49 1 175 რუსთავის ცენტრალური საავადმყოფო / საჭირო ინფორმაცია

 დიეტოლოგები გვირჩევენ, მხოლოდ შინ, საკუთარი ხელით მომზადებული კერძები მივირთვათ, თავი ვარიდოთ სწრაფი კვების ობიექტებში ჭამას, რადგან არ ვიცით, რას მივირთმევთ ამ დროს, რამდენად ჯანსაღია საკვები, რომელსაც იქ გვთავაზობენ, დაცულია თუ არა სანიტარიული ნორმები. შინ, საკუთარ სამზარეულოში, ამას უკეთ მოახერხებთ. საჭიროა მხოლოდ, პროდუქტების გონივრულად შერჩევა შეგეძლოთ. ჯანსაღი კვება არც ისე ძვირია. თუ მაცივარს ასეთი საკვებით ავავსებთ, ფულსაც დავზოგავთ და ჯანმრთელობასაც. სასურველია, შინ ყოველთვის გქონდეთ: ბურღულეული, ზეთი, ხილი, ბოსტნეული, მწვანილი, კვერცხი, თევზი, რძე და რძის ნაწარმი. ეს პროდუქტები ჯანმრთელიც არის და იაფიც. კომბოსტო, ჭარხალი, შვრია, ლობიო, ბარდა მინიმალური შემოსავლის მქონე ოჯახებისთვისაც ხელმისაწვდომია. თუ რეგულარულად მიირთმევთ ჩამოთვლილ პროდუქტებს, თქვენს ორგანიზმს არასოდეს მოაკლდება ვიტამინები. თუ უარს იტყვით მზა საკვებზე - ჰამბურგერებზე, კარტოფილის ჩხირებზე, ფუნთუშებზე, გაურკვეველი ხარისხის ტკბილეულზე და მათ ნაცვლად მიირთმევთ ხილს, ბოსტნეულს, რძის ნაწარმს, სალათებს, არა მარტო საკუთარ ბიუჯეტს გაუწევთ შეღავათს, არამედ მოხდენილობასა და ჯანმრთელობასაც შეინარჩუნებთ. მინდა? არ მინდა!ბევრს სჩვევია საკვების მომარაგება, მაგრამ ყოველგვარი პროდუქტის დიდხანს შენახვა არ შეიძლება. ეს უნდა გახსოვდეთ, როცა მაღაზიაში წახვალთ სურსათის შესაძენად. მიეჩვიეთ იმდენის შეძენას, რამდენის ათვისებასაც შეძლებთ 2-3 დღის განმავლობაში. ხორცი და თევზი მომზადებისთანავე უნდა მიირთვათ. კერძის გაცხელებისას მასში არსებულ სასარგებლო ნივთიერებებს კარგავთ და ორგანიზმს წიდით ავსებთ. გამოდის, რომ სულ ტყუილად დახარჯეთ ფული. გაითვალისწინეთ შემდეგი რჩევები: 1. შეიძინეთ ხილი და ბოსტნეული სეზონის მიხედვით; 2. როცა სურსათის მომარაგებას გადაწყვეტთ, გაითვალისწინეთ, რამდენად მალფუჭებადია ესა თუ ის პროდუქტი, როგორ ტემპერატურაზე და რა სახით უნდა შეინახოთ. თუ გსურთ, ჯანსაღად იკვებოთ, სუფრაზე მუდამ უნდა გქონდეთ: ბურღულეული - ბრინჯი, წიწიბურა, შვრია. უკეთესი იქნება, თუ ფაფებს წყალზე მოამზადებთ - უფრო იოლია, იაფი და, რაც მთავარია, სასარგებლო. შეგიძლიათ დაამატოთ გარგარის ჩირი, სოკო. რჩევა: შეინახეთ ბურღული სპეციალურ კონტეინერებში. ზეთი. უპირატესობა მიანიჭეთ არარაფინირებულ ზეთს. ვიტამინები და მი­კროელემენტები მასში გაცილებით მეტია, ვიდრე რაფინირებულში; რჩევა: მცენარეულ ზე­თში მომზადებული ბოსტნეული უფრო ადვილი ასათვისებელია. ხილი. მას მაღალი კვებითი ღირებულება აქვს. მდიდარია უჯრედისით, რომელიც ასე საჭიროა ჩვენი ორგანიზმისთვის. რჩევა: შეინახეთ ხილი მაცივარში, თუმცა დიდხანს არა - მაქსიმუმ ერთი კვირა. ნუ შეინახავთ ცელოფნის პარკით. ბოსტნეული. ის მთელი წელი უნდა იყოს თქვენს სუფრაზე. ეგზოტიკური ძვირად ღირებული ჯიშები მაინცდამაინც ნუ გაგიტაცებთ; ჭარხალი, სტაფილო, კომბოსტო, გოგრა არც ისე ძვირი ღირს და ძალიან სასარგებლოა. თითოეული მათგანი სავსეა ვიტამინებითა და მიკროელემენტებით, რომლებიც გამუდმებით სჭირდება ჩვენს ორგანიზმს. რჩევა: ბოსტნეულისგან გემრიელი გარნირი მზადდება. მაგალითად, ჭარხალი გაფქცვნით, მოაყარეთ წიწაკა, მარილი, გაახვიეთ ფოლგაში და შედგით ღუმელში, ლითონის ბადეზე, 25 წუთით. მწვანილი - სალათა, ოხრახუში, ნიახური, კამა... ეცადეთ, მწვანილეული ყოველთვის იყოს თქვენს რაციონში. ზაფხულში და შემოდგომაზე მიირთვით ქორფა. ნურც იმას დაივიწყებთ, რომ მისი გახმობაც შეიძლება! რჩევა: ნურასოდეს შეიძენთ ბევრ მწვანილს, რადგან ის სწრაფად ფუჭდება. უმჯობესია შეინახოთ სპეციალური კონტეინერით ან ტენიან ტილოს ხელსაწმენდში გახვეული. კვერცხი. ეს ცილისა და ბ ჯგუფის ვიტამინების შესანიშნავი წყაროა. კვერცხის გული მაღალი კონცენტრაციით შეიცავს ლუტეინს, რომელიც ძალიან უხდება მხედველობას. რჩევა: მოშუშეთ წვრილად დაჭრილი ხახვი, ტკბილი წიწაკა, მარილი, დაასხით კარგად გათქვეფილი ორი კვერცხი, ტაფა 10-15 წუთით შედგით გახურებულ ღუმელში. თევზი - ის წყაროა ცილისა, რომელსაც ადვილად ითვისებს ორგანიზმი. გაყინული თევზი ცოცხალზე არანაკლებ სასარგებლოა. რჩევა: თევზი და ხორცი მიირთვით მწვანილისა და ბოსტნეულის გარნირით. რძე და რძის ნაწარმი - სასარგებლოა და არც ისე ძვირი ღირს. პასტერიზებულს კი ცოცხალი პროდუქტი სჯობია. რჩევა: აუცილებლად შეამოწმეთ პროდუქტების ვადა.

მადა კონტროლზე აგვყავს

administrator 9-09-2016, 00:47 292 რუსთავის ცენტრალური საავადმყოფო / საჭირო ინფორმაცია


კარგი მადა ჭარბი წონის დროს ხშირად არასასურველიც კია. განსაკუთრებით შემაშფოთებელი მაშინაა, როცა მისი დაოკება ვერ ხერხდება. გასწავლით საკვებისადმი ლტოლვის შესამცირებელ რამდენიმე გამოცდილ მეთოდს.საჭმლის მიღებამდე დალიეთ!ყველასთვის კარგად ცნობილია, რომ სითხე ავსებს კუჭს და ნაყროვანების შეგრძნებას აჩენს. ამისთვის საუკეთესოა უგაზო სასმელი წყალი ან ნატურალური აირაციის ტუტე მინერალური წყალი, ის კუჭის წვენში აქვეითებს მჟავიანობას, რაც მადის ყველაზე ძლიერი გამღვიძებელია. ვისაც წყალი არ უყვარს, მას ალკოჰოლურის, გაზიანისა და ტკბილის გარდა, რომლებიც მადას აძლიერებენ, ყველა სხვა სითხის მიღება შეუძლია. თუ დღეში 5-6-ჯერ იკვებებით, ჭამის წინ 200 მლ წყალი სრულიად საკმარისია, სადღესასწაულო სუფრისა და ვახშმის წინ კი 1,5-2 ჭიქის მიღებაა რეკომენდებული. თქვენი ბონუსი: დღეში 2 და მეტი ლიტრი სითხის მიღება დადებითად აისახება სახის კანზე, ნაოჭები გაქრება და დაბრკოლდება მათი ხელახალი წარმოქმნა.დასაქმდით!საკვების მიღების სურვილი საკმაოდ ხშირად ემოციური რეაქცია უფროა, ვიდრე ორგანიზმის მოთხოვნილება. ზოგჯერ საკმარისია რამდენიმე წუთით სხვა რამეზე გადაიტანოთ ყურადღება, რომ ჭამის სურვილი იკლებს და ქრება კიდეც. ყურადღების გადასატანად მშვენიერი საშუალებაა დასაქმება.  მაგალითად, თუ სამსახურში ხართ, ჭამისთვის გამოყოფილ თავისუფალ დროს დაიწყეთ სამუშაო მაგიდის დალაგება, კომპიუტერში გაშალეთ პასეანსი. საკმაოდ ბევრი დიეტოლოგი ეთანხმება მოსაზრებას, რომ ჭამისათვის თავის არიდების საუკეთესო საშუალება 20-ჯერ ხელებაწეული ჩაბუქნაა, ამის შემდგომ შიმშილის გრძნობა მცირდება. თქვენი ბონუსი: ხელების წვრილი მოტორიკის გააქტიურებით ვაძლიერებთ ტვინის ფუნქციებს, დღეში ერთხელ 20 ჩაჯდომით კი - გულ-სისხლძარღვთა სისტემას, ვაუმჯობესებთ ნივთიერებათა ცვლასაც.გამოიყენეთ სუნებიზოგიერთ არომატს მადის დაქვეითების თვისება აქვს, მათ შორის: ვანილს, გრეიპფრუტს, ლიმონს, მწარე წიწაკას, პიტნას, ვაშლს, ბანანს, შროშანსა და ვარდს. ეს არომატები ჭამის წინ ან მის დროს უნდა შეისუნთქოთ. გამოყენება შეგიძლიათ ნებისმიერი ფორმით: ეთერზეთების, არომატული სანთლების, ინჰალატორების ან ნატუალური ექსტრაქტების სახით. განსაკუთრებით მნიშვნელოვანია მათი გამოყენება საღამოს, მადასთან განსაკუთრებით რთული ბრძოლის დროს. თქვენი ბონუსი: არომათერაპია დაგაძლევინებთ სტრესს, შეგიმცირებთ შფოთვისა და განგაშის შეგრძნებას, გაგიუმჯობესებთ ძილს.გაითვალისწინეთ ჭურჭლის ფერი!მადის გაძლიერებისას თვალი გადაავლეთ სამზარეულოს კედლებსა და ჭურჭელს. ყველაზე მეტად მადას დაგაკარგვინებთ შავი, ლურჯი, ჭაობისფერი და იასამნისფერი თეფშები. თეთრი, ვარდისფერი, წითელი, ცისფერი კი, პირიქით, მადის აღმძვრელია. სასადილო ოთახის კედლები გაამუქეთ, კარგი იქნება ნაცრისფერი ან ყვითელი. ნაცრისფერი ამცირებს ღელვას და მადას. თქვენი ბონუსი: ფერი ფსიქოთერაპიის მძლავრი იარაღია, მისი დახმარებით გაცილებით ადვილია სტრესებთან გამკლავება.მიირთვით შავი შოკოლადი!სხვა ტკბილეულისგან განსხვავებით, შავი შოკოლადი საკმაოდ ხანგრძლივად დაგანაყრებთ. უმჯობესი იქნება, თუ მას არ დაღეჭავთ და შაქარყინულივით გაწუწნით, ასე გაცილებით უკეთესი ეფექტი მიიღწევა. თქვენი ბონუსი: მწარე შოკოლადი ანეიტრალებს ორგანიზმში სიმსივნეთა წარმომქმნელ თავისუფალ რადიკალთა მოქმედებას; აქვეითებს სისხლში ქოლესტერინის დონეს და იცავს სისხლძარღვებს; ზრდის ტვინის შესაძლებლობებს, რაც დაძაბული გონებრივი შრომისას მეტად მნიშვნელოვანია.შეინარჩუნეთ სითბოსიცივე მადის მაპროვოცირებელია, ამიტომაც უჭირს ადამიანს შემოდგომა-ზამთრის პერიოდში დიეტის დაცვა და წონის კლებაც ამ პერიოდში გაცილებით ნელა მიმდინარეობს. გირჩევთ, ყოველთვის თბილად გეცვათ და მადის შემოტევას სითბოში ყოფნით შეებრძოლოთ. თქვენი ბონუსი: წელიწადის ცივ დროს სითბო აჩქარებს ნივთიერებათა ცვლას და ხელს უწყობს სასიცოცხლო ფუნქციათა გაუმჯობესებას. 

ჯანსაღი კვება თირკმელკენჭოვანი დაავადების დროს

administrator 9-09-2016, 00:45 847 რუსთავის ცენტრალური საავადმყოფო / საჭირო ინფორმაცია

 ჩვენი თირკმელები საკმაოდ მძიმე და მნიშვნელოვან სამუშაოს ასრულებენ: 1,5ლ შარდის (დღიური ნორმა) წარმოსაქმნელად აუცილებელია, თირკმლის გორგლებმა სისხლიდან 170ლ პირველადი შარდი გაფილტრონ, საიდანაც 168,5 ლიტრი უკან, სისხლშივე ბრუნდება. ამ ფილტრატის წარმოსაქმნელად თირკმელებში დღე-ღამეში ორ ტონამდე სისხლმა უნდა გაიაროს.შარდკენჭოვანი დაავადება (უროლითიაზი) ორგანიზმში ნივთიერებათა ცვლის დარღვევის შედეგად ვითარება. ამ დროს თირკმელებსა და შარდგამომტან გზებში წარმოიქმნება სხვადასხვა ქიმიური თვისების, ფორმისა და ზომის კენჭები. თუ შარდში ქვიშა ჩნდება და კენჭი ჯერ კიდევ არ არის ფორმირებული, ამ შემთხვევაში კვებით შესაძლებელია კენჭის ჩამოყალიბების თავიდან აცილება. ექიმები ავადმყოფს უნიშნავენ სამკურნალო დიეტას იმის მიხედვით, რომელი მარილი ჭარბობს მათ შარდში - ურატები, ოქსალატები, ფოსფატები თუ სამივე ჭარბადაა. ურატული კენჭები თირკმლებში პურინული ცვლის დარღვევის შედეგად წარმოიქმნება. ამ შემთხვევაში ინიშნება შემდეგი დიეტა: იკრძალება პურინების შემცველი საკვები - ტვინი, ღვიძლი, თირკმელები, შემწვარი და მოხრაკული ხორცი, ბულიონი, ძეხვეული, ხორცისა და თევზის კონსერვები, მწნილი, მარინადი, მჟაუნა, სატაცური, ლობიო, სოია, მუხუდო, ყავა, კაკაო, შოკოლადი, მაგარი ჩაი. ცოტაოდენი ხორცი შეიძლება, ოღონდ კარგად მოხარშული. სუფრის მარილი დღეში 10გ-მდე უნდა შეიზღუდოს. იმავდროულად უნდა გაიზარდოს გამატუტიანებელი პროდუქტების, მაგალითად, მცენარეული საკვებისა და რძის ნაწარმის, წილი. თუ პურს, ბურღულეულს, კვერცხს ბუნებრივი სახით მივიღებთ, ორგანიზმში გაცილებით ნაკლები მჟავას ეკვივალენტი წარმოიქმნება, ვიდრე დამუშავებული სახით მიღებისას, ამიტომ უპირატესობა უნდა მიენიჭოს ყვითელ შაქარს, დაცეხვილი მარცვლეულის პურს, გაურჩეველ ბრინჯს, კანიანად მოხარშულ კარტოფილს და სხვა. შეძლებისდაგვარად უნდა შეიზღუდოს თეთრი შაქარი და მას უნდა ჩაენაცვლოს ჩირი და თაფლი. უმი ბოსტნეული, მათ შორის - კარტოფილი, კიტრი, ჭარხალი, ასევე ხილი, კენკრა, მათ შორის - საზამთრო, მსხალი, ატამი, შეიძლება მიიღოთ განუსაზღვრელი რაოდენობით. შეიძლება შავი ბოლოკის წვენი თაფლით (თანაფარდობით 1:2, ერთი სუფრის კოვზი დღეში 3-ჯერ ჭამიდან 30-40 წუთის შემდეგ. მკურნალობის კურსი შეადგენს 3-4 კვირას). ამ ნარევს აქვს შარდმდენი მოქმედება და ხელს უწყობს კენჭების გამოდევნას; რეკომენდებულია დიდი რაოდენობით (დღეში 2 ლ და მეტი) სითხის (მათ შორის - ვიტამინიზებული წვენების, ტუტე მინერალური წყლების) მიღება კვებიდან კვებამდე და უზმოდ. თუ შარდთან ერთად დიდხანს გამოიყოფა ურატები, აუცილებელია სპეციალური განსატვირთი დიეტა ხილით, კარტოფილით, კარტოფილ-ბოსტნეულით, რძის პროდუქტებით. ოქსალატური კენჭები მჟაუნმჟავას მარილებია. როცა ეს მარილები შარდში ჭარბადაა, ვითარდება ოქსალურია, რომლის  ძირითადი მიზეზია ორგანიზმში გლიცინისა და გლიოქსიდის მჟავას ცვლის დარღვევა. ასეთი ავადმყოფებისთვის რეკომენდებულია შემდეგი დიეტა: რაციონიდან უნდა გამოირიცხოს მჟაუნმჟავას შემცველი პროდუქტები: მჟაუნა, კაკაო, შოკოლადი, ისპანახი, ნატურალური ყავა, ხახვი, ოხრახუში და სხვა ფოთლოვანი მწვანილი და პომიდორი. მათ ნაცვლად მიირთვით: ბადრიჯანი, გოგრა, მუხუდო, კიტრი, ყვავილოვანი კომბოსტო, სოკო, რომელშიც ეს მჟავა ცოტაა, ასევე ბ6 ვიტამინით და მაგნიუმით მდიდარი პროდუქტები. ოქსალატების ორგანიზმიდან გამოძევებას ხელს უწყობს ვაშლი, მსხალი, ქლიავი, ყურძენი, კომში. თუ დიეტას დაიცავთ, ორგანიზმში ოქსალატების წარმოქმნა მედიკამენტების გარეშეც საგრძნობლად (40%-ით და მეტით) შემცირდება.ფოსფატურიის დროს (შარდში გამოიყოფა ფოსფორ-კალიუმის მარილები) იზღუდება გამატუტიანებელი მოქმედების და კალციუმით მდიდარი პროდუქტები, მიირთვით საკვები, რომელიც ცვლის შარდის რეაქციას მჟავიანობისკენ (პური და ფქვილის ნაწარმი, ბურღულეული, ხორცი და თევზი). იკრძალება: რძის, ბო­სტნეულის და ხილის წვ­ენები, შაშხი, დამარი­ლებული და შებოლილი თევზი, რძე და რძის ნაწარმი, კარტოფილი, ბო­სტნეულის სალათები, ვინეგრეტი და ბოსტნეულის კონსერვები, რძეზე მომზადებული ტკბილი კერძები. ხილის, კენკრის და ბოსტნეულის წვენები. რეკომენდებულია სითხის უხვად მიღება (უზმოზე და კვებიდან კვებამდე), რასაკვირველია, თუ უკუჩვენება არ აქვს; სუფრის მარილის დღიური ულუფა არ უნდა აღემატებოდეს 10 გრამს.

რაში გვჭირდება ნახშირწყლები

administrator 9-09-2016, 00:43 1 945 რუსთავის ცენტრალური საავადმყოფო / საჭირო ინფორმაცია

 რთული და მარტივინახშირწყლები ადამიანის ორგანიზმისთვის ენერგიის ძირითადი წყაროა. მათი მარაგი გლიკოგენის სახით ორგანიზმში დაახლოებით 500 გრამს შეადგენს. ძირითადი მისი მასა (2/3) კუნთებშია თავმოყრილი, ხოლო 1/3 - ღვიძლში. კვებათა შორის არსებულ შუალედებში გლიკოგენი იშლება გლუკოზის მოლეკულებად, რაც სისხლში შაქრის დონის მერყეობას ამცირებს. თუ ორგანიზმს ნახშირწყლები არ მივაწოდეთ, გლიკოგენის მარაგი 12-18 საათში გამოიფიტება. ამ შემთხვევაში ჩაირთვება ცილის ცვლის შუალედური პროდუქტებისგან ნახშირწყლების წარმოქმნის მექანიზმი. ეს იმიტომ, რომ ნახშირწყლები სასიცოცხლოდ აუცილებელია ქსოვილებში, განსაკუთრებით ტვინში, ენერგიის წარმოასაქმნელად. ტვინის უჯრედები ენერგიას უპირატესად გლუკოზის დაჟანგვის ხარჯზე იღებენ. რას იწვევს დეფიციტინახშირწყლების ქრონიკული დეფიციტი ფიტავს გლიკოგენის მარაგს და ღვიძლის უჯრედებში ცხიმის ჩალაგებას იწვევს. შესაძლოა, საქმე ღვიძლის ცხიმოვან გადაგვარებამდე და მისი ფუნქციის დარღვევამდე მივიდეს. საკვებში ნახშირწყლების დეფიციტის დროს ქსოვილები და ორგანოები ენერგიის სინთეზისთვის იყენებენ არა მარტო ცილებს, არამედ ცხიმებსაც. ცხიმების გაძლიერებული დაშლისას შესაძლოა დაირღვეს კეტონების დაჩქარებულ წარმოქმნასთან დაკავშირებული ცვლის პროცესები (ნივთიერებათა ამ კლასს მიეკუთვნება ყველასათვის ცნობილი აცეტონი) და ისინი ორგანიზმში დაგროვდეს. კეტონების ჭარბმა წარმოქმნამ ცხიმებისა და ნაწილობრივ ცილების გაძლიერებული ჟანგვისას შესაძლოა ორგანიზმის შინაგანი სამყაროს “დაჟანგვა” და ტვინის ქსოვილის მოწამვლა გამოიწვიოს. რა ხდება სიჭარბისასსაკვებში ნახშირწყლების სიჭარბე იწვევს სისხლში ინსულინის დონის მატებას და ხელს უწყობს ცხიმის წარმოქმნას, ხოლო საკვების კალორიულობის მკვეთრმა შემცირებამ რაციონში ნახშირწყლების შემცირების ხარჯზე შესაძლოა ცილოვანი ცვლის დარღვევა გამოიწვიოს. ცხიმის წარმოქმნის გაძლიერების მთავარი მიზეზია სისხლში გლუკოზის შემცველობის მკვეთრი მომატება ნახშირწყლებით მდიდარი საკვების ჭარბი მიღების შემდეგ. თუ მსუბუქი საუზმის შემდეგ ადამიანი მთელი დღე შიმშილობს, ხოლო საღამოს ერთად მიირთმევს სადილისა და ვახშმის ეკვივალენტს, ორგანიზმი იძულებულია ებრძოლოს ნახშირწყლებით “მოწამვლას” - სისხლში გლუკოზის კონცენტრაციის მკვეთრ მატებას. იმისთვის, რომ სისხლიდან გლუკოზა ქსოვილებსა და უჯრედებში მოხვდეს, აუცილებელია ინსულინი, ხოლო სისხლში მისი დონის მატება ასტიმულირებს ცხიმების სინთეზს. თუმცა ნახშირწყლების ექსტრენად ცხიმებად გარდაქმნის მექანიზმი მოქმედებას იწყებს დიდი რაოდენობის (500 გრამზე მეტი) სწრაფად ათვისებადი ნახშირწყლების მიღებისას. ასეთი კვება არა მარტო გასტრიტს და სხვა დაავადებებს, არამედ ჭარბი ცხიმოვანი ქსოვილის დაგროვებასაც იწვევს. ნახშირწყლების ცვლას, გარდა ინსულინისა, არეგულირებს სხვა ჰორმონებიც. თირკმელზედა ჯირკვლის ქერქის ჰორმონები, გლუკოკორტიკოიდები, აძლიერებს ღვიძლში ამინმჟავებისგან გლუკოზის სინთეზს. ამ პროცესს ასტიმულირებს ასევე ჰორმონი გლუკოგონი, რომელიც, ისევე როგორც ინსულინი, გამომუშავდება კუჭუკანა ჯირკვალში. გლუკოკორტიკოიდები და გლუკოგონი ინსულინის საწინააღმდეგოდ მოქმედებს. როგორია ნორმანორმაში ნახშირწყლები უზრუნველყოფს საკვების კალორიულობის 50-60%-ს. დიეტიდან მათი გამორიცხვა არ შეიძლება. უნდა მოიძებნოს ისეთი გზა, რომელიც საშუალებას მოგვცემს, რაციონიდან ამოუღებლად შევზღუდოთ ნახშირწყლების ცხიმებად გარდაქმნა. ნახშირწყლების სახეებიქიმიური სტრუქტურის მიხედვით ნახშირწყლები შეიძლება დავყოთ ორ ჯგუფად - მარტივებად (მონოსაქარიდები და დისაქარიდები) და რთულებად (პოლისაქარიდები). მარტივი ნახშირწყლები (შაქრები)გლუკოზა ყველაზე მნიშვნელოვანი მონოსაქარიდია, ვინაიდან ის წარმოადგენს საკვები პროდუქტების უმეტესობის დი- და პოლისაქარიდების სტრუქტურულ ერთეულს. გლუკოზა ნახშირწყლების ცვლის აუცილებელი კომპონენტია. სისხლში მისი დონის დაქვეითებისას ან მაღალი კონცენტრაციისას და ათვისების შეუძლებლობისას, როგორც შაქრიანი დიაბეტის დროს, ადამიანი ძილადაა მივარდნილი და გამორიცხული არ არის, გონიც დაკარგოს (ჰიპოგლიკემიური კომა). გლუკოზას “სუფთა სახით”, როგორც მონოსაქარიდს, შეიცავს ხილი და ბოსტნეული. განსაკუთრებით მდიდარია ამ ნივთიერებით ყურძენი, ბალი, ალუბალი, ჟოლო, მარწყვი, ქლიავი, საზამთრო. ბოსტნეულიდან გლუკოზა ყველაზე მეტი გოგრასა და სტაფილოშია. გლუკოზა ნაკლებად ტკბილია, ვიდრე საქაროზა. ფრუქტოზა ერთ-ერთი ყველაზე გავრცელებული ხილის ნახშირწყალია. გლუკოზისგან განსხვავებით, მას ინსულინის მონაწილეობის გარეშე შეუძლია სისხლიდან ქსოვილებსა და უჯრედებში შეღწევა, ამიტომ ფრუქტოზა, როგორც ნახშირწყლების შედარებით ნაკლებსახიფათო წყარო, რეკომენდებულია დიაბეტით დაავადებულთათვის. მისი ნაწილი ხვდება ღვიძლის უჯრედებში, რომლებიც მას უფრო უნივერსალურ “საწვავად” - გლუკოზად გარდაქმნიან, ამიტომ ფრუქტოზასაც შეუძლია სისხლში შაქრის დონის აწევა, თუმცა ნაკლებად, ვიდრე დანარჩენ მარტივ შაქრებს. ფრუქტოზა გლუკოზაზე ნაკლებად გარდაიქმნება ცხიმად. ფრუქტოზის მთავარი უპირატესობა ის არის, რომ გლუკოზაზე 2,5-ჯერ და საქაროზაზე 1,7-ჯერ ტკბილია. შაქრის ნაცვლად მისი გამოყენება აქვეითებს ნახშირწყლების ზოგად მოხმარებას. ფრუქტოზის ძირითადი წყაროა ყურძენი, ვაშლი, მსხალი, ალუბალი, ბალი, საზამთრო, შავი მოცხარი, ჟოლო, მარწყვი, ნესვი, ჭარხალი. არის თაფლშიც - დაახლოებით 3,7%. მიუხედავად იმისა, რომ ფრუქტოზა საქაროზაზე გაცილებით ტკბილია, არ იწვევს კარიესს. გალაქტოზა საკვებში თავისუფალი სახით არ არის. ის გლუკოზასთან ერთად წარმოქმნის დისაქარიდ ლაქტოზას (რძის შაქარი, რძისა და რძის პროდუქტების ძირითადი ნახშირწყალი). ეს უკანასკნელი კუჭ-ნაწლავის ტრაქტში ფერმენტ ლაქტაზის მოქმედებით გლუკოზად და გალაქტოზად იშლება. ზოგიერთ ადამიანს ამ ფერმენტის დეფიციტი აქვს, რაც რძის აუტანლობას იწვევს. დაუშლელი ლაქტოზა კარგი საკვებია ნაწლავის მიკროფლორისთვის. ამასთან, შესაძლოა ხელი შეუწყოს აირების გაძლიერებულ წარმოქმნას ნაწლავებში. რძის მჟავე პროდუქტებში ლაქტოზის დიდი ნაწილი დადუღებულია რძემჟავამდე, ამიტომ ლაქტოზის ნაკლებობის დროს რძის მჟავე პროდუქტების მიღება უსიამოვნო შედეგების გარეშეა შესაძლებელი. გარდა ამისა, რძის მჟავე ბაქტერიები რძემჟავა პროდუქტებში თრგუნევენ ნაწლავის მიკროფლორის ცხოველმყოფელობას და აქვეითებენ ლაქტოზის არასა­სურველ მო­ქმედებას. ლაქტოზას შეიცავს ძრ­ოხის რძე, ხა­ჭო, არაჟანი, კეფირი, იოგურტი. გლუკოზისა და ფრ­უქტოზის მოლეკულით წარმოქმნილი დისაქარიდია საქაროზა. შაქარში მისი შემცველობა 99,5%-ია. შაქარი რომ “თეთრი სიკვდილია”, ტკბილეულის მოყვარულებმა ისევე კარგად იციან, როგორც მწეველებმა ის, რომ ერთი წვეთი ნიკოტინი ცხენს კლავს. სამწუხაროდ, ორივე ჭეშმარიტება ხუმრობის საგანი უფროა, ვიდრე სერიოზული განსჯისა და პრაქტიკული დასკვნების მიზეზი. შაქარი სწრაფად იშლება კუჭ-ნაწლავის ტრაქტში, გლუკოზა და ფრუქტოზა შეიწოვება სისხლში და წარმოადგენს ენერგიის წყაროს. მას ხშირად უწოდებენ “ცარიელ კალორიებს”, ვინაიდან შაქარი სუფთა ნახშირწყალია და არ შეიცავს სხვა საკვებ ნივთიერებებს, ისეთს, როგორიც არის ვიტამინები და მინერალური მარილები. მცენარეული პროდუქტებიდან შაქარი ყველაზე მეტია ჭარხალში, ატამში, ნესვში, ქლიავში, მანდარინში, სტაფილოში. გარდა თავად შაქრისა, საქაროზის ძირითად წყაროს წარმოადგენს თაფლი, საკონდიტრო ნაწარმი, ტკბილი სასმელები, ნაყინი. გლუკოზის ორი მოლეკულის შეერთებისას წარმოიქმნება მალტოზა. მას შეიცავს თაფლი, ალაო, ლუდი, პურ-ფუნთუშეული და საკონდიტრო ნაწარმი, ბადაგი. რთული ნახშირწყლებიყველა პოლისაქარიდი, რომელსაც შეიცავს ადამიანის საკვები, იშვიათი გამონაკლისის გარდა წარმოადგენს გლუკოზის პოლიმერს. სახამებელი ძირითადი პოლისაქარიდია. მის წილად მოდის მოხმარებული ნახშირწყლების 80%. სახამებლის წყაროა მცენარეული პროდუქტები, ბურღულეული, ფქვილი, პური, კარტოფილი. სახამებელს შეიცავს პარკოსნებიც, თუმცა სოია ამ ნივთიერებით ძალზე ღარიბია. ზოგიერთ მცენარეში ნახშირწყლები ლაგდება ფრუქტოზის პოლიმერის ინულინის სახით. ინულინდამატებული პროდუქტები რეკომენდებულია დაიბეტიანთათვის. კარგია მისი პროფილაქტიკისთვისაც (ფრუქტოზა სხვა შაქრებზე ნაკლებად ტვირთავს კუჭუკანა ჯირკვალს). გლიკოგენი, “ცხოველური სახამებელი”, დიდი რაოდენობითაა ცხოველურ პროდუქტებში. გლიკემიური ინდექსინახშირწყლების კლასიფიკაციის ახალი სისტემაა გლიკემიური ინდექსი. იგი პროდუქტებს სისხლში შაქრის დონეზე მოქმედების პრინციპით აჯგუფებს. მაგალითად, თეთრ პურს სწრაფად ითვისებს ორგანიზმი და გარდაქმნის გლუკოზად, რაც მკვეთრად სწევს სისხლში შაქრის დონეს, ამიტომ თეთრ პურს მაღალი გლიკემიური ინდექსი აქვს. ყავისფერი ბრინჯი, პირიქით, ნელა აითვისება და შაქრის დონე სისხლში უფრო მსუბუქად იცვლება. ყავისფერ ბრინჯს დაბალი გლიკემიური ინდექსი აქვს. რაციონი, რომელიც უხვად შეიცავს მაღალი გლიკემიური ინდექსის პროდუქტებს და, ამის კვალობაზე, სწრაფად სწევს სისხლში შაქრის დონეს, სახიფათოა დიაბეტიანთა და გულით დაავადებულთათვის. გლიკემიურმა ინდექსმა ზოგჯერ შესაძლოა თავგზაც აგვიბნიოს. რთული ნახშირწყლების შემცველი ზოგიერთი პროდუქტი, მაგალითად, კარტოფილი, სწრაფად სწევს სისხლში შაქრის დონეს, ხოლო მარტივი ნახშირწყლების შემცველი, მაგალითად, ხილი - გაცილებით ნელა. რაც უფრო რთულია ორგანიზმისთვის ნახშირწყლების გლუკოზად გარდაქმნა, მით უფრო ნაკლებია პროდუქტის გლიკემიური ინდექსი. ამგვარად, ყველაფერი, რაც ანელებს ნახშირწყლების შემცველი საკვების მონელებასა და ათვისებას, აქვეითებს მის გლიკემიურ ინდექსს.

სასარგებლოა თუ არა ცხიმი

administrator 9-09-2016, 00:41 1 601 რუსთავის ცენტრალური საავადმყოფო / საჭირო ინფორმაცია

 ჯანსაღი კვების საკითხი მეტად აქტუალურია ჩვენს დროში. დღითი დღე იმატებს ჭარბწონიანი ადამიანების რაოდენობა, რაც, თავისთავად, დღის წესრიგში აყენებს დიეტის საკითხს. მასობრივი ინფორმაციის საშუალებებით, ინტერნეტით ვრცელდება უამრავი დიეტური რეკომენდაცია ჰოლივუდის ვარსკვლავებისგან, ექიმ დიეტოლოგებისგან, წონადაკლებული ადამიანებისგან. ყველა გვირჩევს ცხიმის შეზღუდვას ან რაციონიდან ამოღებას. მართლა ასე მავნეა ცხიმი? ამის შესახებ დიაბეტის კვლევის ეროვნული ცენტრის ექიმი ენდოკრინოლოგი თეონა ღვალაძე გვესაუბრება. - ქალბატონო თეონა, აუცილებელია თუ არა ცხიმი ორგანიზმისთვის? რა როლს ასრულებს ის ორგანიზმის ცხოველმყოფელობაში?- ნატურალური ცხიმები აუცილებელია ორგანიზმის ცხოველმყოფელობისთვის, რადგან ისინი ყველაზე დიდი ენერგიის მომწოდებლები არიან. ერთი გრამი ცხიმისგან 9 კილოკალორია მიიღება. ცხიმი შედის უჯრედების შემადგენლობაში. მხოლოდ ნერვული უჯრედის გარსში მისი შემცველობა 60%-ს შეადგენს. ამასთან, ის ხელს უწყობს ნაწლავში ცხიმში ხსნადი ვიტამინებისა და მინერალური მარილების შეწოვას. - რა სახისაა ცხიმები?- ცხიმი არსებობს მცენარეული და ცხოველური წარმოშობისა. ცხოველურ ცხიმებში ჭარბობს ნაჯერი ცხიმოვანი მჟავები, რომელთა წყალობით ეს ცხიმები მყარ მდგომარეობაშია და ძნელად დნება. მცენარეული ცხიმები, პალმის, ქოქოსის და კაკაოს ცხიმის გარდა, თხევადია მონოუჯერი და პოლიუჯერი ცხიმოვანი მჟავების შემცველობის გამო. ეს მნიშვნელოვანი ნივთიერებები შეუცვლელია, რადგან ორგანიზმს მათი სინთეზირება არ შეუძლია და საკვებთან ერთად იღებს. ნაჯერი ცხიმოვანი მჟავები ყველაზე მეტია ნაღების კარაქში და რძის სხვა პროდუქტებში, ცხოველის ხორცსა და ქონში, უჯერი - ზეითუნის ზეთში, ნიგოზში, მზესუმზირაში, ასევე თევზსა და მის ცხიმში. - რაციონის რა ნაწილს უნდა შეადგენდეს ცხიმი?- მიუხედავად ცხიმების დიდი კვებითი და ენერგეტიკული ღირებულებისა, რაციონში მათი წილი არ უნდა აღემატებოდეს კალორიების საერთო მოცულობის 30%-ს. - არსებობს მოსაზრება, რომ მცენარეული ცხიმები ცხოველურზე ნაკლებკალორიული და მავნეა. შეესაბამება ეს სიმართლეს?- დიახ, ასეთი მოსაზრება ნამდვილად არსებობს, თუმცა სინამდვილეში ასე არ არის. მაგალითად, 100 გრამ მცენარეულ ცხიმში 98% საკუთრივ ცხიმი და დაახლოებით 880 კილოკალორიაა, ხოლო ღორის ქონში - 82% ცხიმი და 730 კილოკალორია. ყველაზე კალორიულია თევზის ქონი, რომლის 100 გრამში 900 კილოკალორიაა. ამასთან, არ უნდა დაგვავიწყდეს, რომ ორივე სახეობის ცხიმი - როგორც მცენარეული, ისე ცხოველური - თანაბრად მნიშვნელოვანია ორგანიზმის ნორმალური ცხოველმყოფელობისათვის. - რითია სასარგებლო მცენარეული ცხიმები?- მცენარეული ცხიმი შეიცავს არა მარტო სასარგებლო ცხიმოვან მჟავებს, არამედ დიდი რაოდენობით A ვიტამინს, ლეციტინს და D ვიტამინის კომპონენტს - სტერინს. - ცხოველური წარმოშობის ცხიმებში რომელი სასარგებლო ნივთიერებებია?- ცხოველურ ცხიმებში, გარდა კაროტინისა და ლეციტინისა, არის A, E, B1, B2, C და D ვიტამინები. ყველაზე სასარგებლოდ მიიჩნევა თევზის ქონი, რომელიც უცვლელ ცხიმოვან მჟავებს შეიცავს. - როგორი უნდა იყოს ცხოველური და მცენარეული ცხიმების თანაფარდობა რაციონში?- ადამიანის დღიურ რაციონში ყველაზე სასურველად შეიძლება ჩაითვალოს ამგვარი თანაფარდება: 30% მცენარეული ცხიმი, 70% - ცხოველური. მაგრამ თუ გავითვალისწინებთ, რომ ცხიმის საშუალო დღიური ნორმა არ უნდა აღემატებოდეს 400 კილოკალორიას, მივხვდებით, რომ თუნდაც ძალიან სასარგებლო ცხიმების უკონტროლო მიღება ადვილად მიგვიყვანს ჭარბ წონასთან. - დღეს ბაზარზე უმთავრესად იყიდება ნაღების კარაქის შემცვლელები, სპრედები. რა სახის ცხიმები შედის მათ შემადგენლობაში?- ნაღების კარაქის შედარებით იაფფასიან შემცვლელებში, სპრედებში (ე.წ. მსუბუქი კარაქი, მცენარეული და რძის ცხიმების ნარევი), მარგარინსა და საკონდიტრო ცხიმებში შედის ნივთიერებები, რომლებსაც ტრანსცხიმები ეწოდება და შეიცავს ცხიმოვანი მჟავების ტრანსიზომერებს. ესენი მცენარეული წარმოშობის ცხიმებია, რომელთაც ქიმიური რეაქციის შედეგად მოლეკულის სტრუქტურა შეეცვალათ. კვების მრეწველობისთვის საჭიროა დიდი ოდენობით ცხიმი, რომელიც დიდხანს ინახება და გარკვეულ ტემპერატურაზე დნება, ამასთან, ღირს ნაღების კარაქზე იაფი და აქვს მცენარეული ცხიმის სასარგებლო თვისებები. ამგვარი პროდუქტები იაფი მცენარეული ცხიმებისგან იწარმოება, ხოლო იმისათვის, რომ თხევადი მასა მყარი გახადონ, მას ჰიდროგენიზაციას უტარებენ. ამ პროცესის დროს მოლეკულების დაახლოებით 30% იცვლის კონფიგურაციას და ხდება ტრანსიზომერი. შეცვლილი მოლეკულის სტრუქტურა არ შეესაბამება ბუნებრივ ანალოგს, ამიტომ ნივთიერებათა ცვლაში ის სრულფასოვნად არ მონაწილეობს. გადაუმუშავებელი ტრანსიზომერები გროვდება ორგანიზმში და ხელს უშლის შეუცვლელი ცხიმოვანი მჟავების შეწოვას. - რა შეიძლება გამოიწვიოს ტრანსცხიმების დაგროვებამ?- სისხლძარღვთა კედელზე ქოლესტერინის დაგროვება და ათეროსკლეროზის განვითარება. დადგენილია, რომ ტრანსცხიმების სიჭარბე ორგანიზმის იმუნურ სისტემას ასუსტებს. - რომელი პროდუქტები შეიცავს ტრანსცხიმებს?- ყველაზე მეტს - სწრაფი კვების ობიექტების ნაწარმი (Fast Food), რომლის წარმოებაშიც გამოიყენება ნატურალური ცხიმების ყველაზე იაფფასიანი შემცვლელები, თუმცა გვხვდება ნატურალურ პროდუქტშიც. მცენარეულ ცხიმებში ის 1%-მდეა, ნაღებში - 4-8%, ხოლო ცხოველურ ცხიმებში - 10%-მდე. - ზემოთ ცხიმოვანი მჟავები ახსენეთ. კიდევ რას გვეტყვით მათ შესახებ?- ცხიმოვანი მჟავები, როგორც უკვე მოგახსენეთ, ნაჯერ, მონოუჯერ და პოლიუჯერ ცხიმოვან მჟავებად იყოფა. ცხიმები და ზეთები სამივე მათგანს შეიცავს, თუმცა არათანაბარი რაოდენობით. მაგალითად, სიმინდის ზეთში 62% პოლიუჯერი მჟავაა, 25% მონოუჯერი და 13% ნაჯერი, ამიტომ პოლიუჯერ ზეთად ითვლება. - რომელი პროდუქტი შეიცავს ნაჯერ ცხიმებს?- პროდუქტები, რომლებიც ნაჯერ ცხიმებს შეიცავს, ჩვეულებრივ, მყარი რჩება ოთახის ტემპერატურაზეც. ნაჯერი ცხიმების ძირითადი წყაროა: ცხოველური (საქონლის, ღორის, ცხვრის, სხვა სახის ხორცისა და ფრინველის) ცხიმი; რძის ცხიმი (რძე, ნაღების კარაქი, ყველი, ნაღები და რძის სხვა ნაწარმი); ტროპიკული “ზეთები” (მყარი ზეთები - ქოქოსისა და პალმისა); ჰიდროგენიზებული ცხიმები (მარგარინი). ნაჯერი ცხიმებით მდიდარი პროდუქტები გარკვეული რაოდენობით მონოუჯერ და პოლიუჯერ ცხიმებსაც შეიცავს. ნაჯერი ცხიმები მავნედ მიიჩნევა, რადგან შეიძლება სისხლში ქოლესტერინის მატება გამოიწვიოს. მონოუჯერი ცხიმებით მდიდარი პროდუქტი ოთახის ტემპერატურაზე თხევადია, ხოლო გაცივებისას - ნახევრად მყარია, როგორც ზეითუნის ზეთი. მონოუჯერი ცხიმოვანი მჟავების ძირითადი წყაროა: ზეითუნისა და ნიგვზის ზეთი; ავოკადო და ზეთისხილი; ნიგოზი, ბუსტუღი, ნუში, თხილი. მათში  ცხიმების 60%-ზე მეტი მონოუჯერია. გასული საუკუნის 90-იან წლებამდე მიიჩნეოდა, რომ მონოუჯერი ცხიმები გავლენას არ ახდენს სისხლში ქოლესტერინის დონეზე, თუმცა ახლა მეცნიერები ვარაუდობენ, რომ ნაჯერი ცხიმების მონოუჯერით ჩანაცვლება LDL-ქოლესტერინის დონის დასაქვეითებლად შესაძლოა პოლიუჯერზე ეფექტური შეიძლება აღმოჩნდეს. - რაკი პოლიუჯერი ცხიმები ახსენეთ, იქნებ უფრო დაწვრილებით მოგვიყვეთ მათ შესახებ.- როდესაც ცხიმოვანი მჟავას მოლეკულაში არსებობს ნახშირბადის ატომებს შორის რამდენიმე ორმაგი ბმა, მას პოლიუჯერი ცხიმოვანი მჟავა ეწოდება. თუ პირველი ორმაგი ბმა არის მეთილის ბოლოდან მესამე ნახშირბადზე, ეს ცხიმოვანი მჟავა ატარებს ომეგა-3-ის სახელწოდებას. თუ ორმაგი ბმა მეთილის ბოლოდან მეექვსე ნახშირბადზეა, ცხიმოვანი მჟავა ომეგა-6-ად იწოდება (პოლიუჯერი ცხიმების უმრავლესობა მიეკუთვნება ომეგა-6-ის კატეგორიას, რომელთაგან ყველაზე მნიშვნელოვანია ოლეინის მჟავა - ზეთის ძირითადი კომპონენტი). თითოეული ეს ცხიმოვანი მჟავა შეიცავს ესენციურ ცხიმოვან მჟავას, რომელიც ორგანიზმში აუცილებლად უნდა იყოს და რომლის გამომუშავებაც ორგანიზმს არ შეუძლია. ომეგა-3-ის ოჯახში ესენციურ ცხიმოვან მჟავას წარმოადგენს ალფა-ლინოლის მჟავა, ხოლო ომეგა-6-ის ოჯახში - ლინოლის მჟავა. ადამიანმა ნორმალური ცხოველმყოფელობისთვის ეს მჟავები უნდა მიიღოს. პოლიუჯერი ცხიმები ოთახის ტემპერატურაზე თხევად მდგომარეობას ინარჩუნებს. ომეგა-3-ის წყაროა: სელის, სოიის ზეთი; სელის თესლი და ნიგოზი; თევზი და ზღვის პროდუქტები; სოია; მუქი მწვანე ფოთლოვანი ბოსტნეული; ომეგა-6-ის წყაროა: მზესუმზირას, სიმინდის, სოიის, ნიგვზის ზეთი. ომეგა-6 ცხიმოვანი მჟავები აქვეითებენ ქოლესტერინს, ხოლო ომეგა-3 - ტრიგლიცერიდებს და არტერიულ წნევას. ამავე დროს, საყურადღებოა, რომ პოლიუჯერი ცხიმოვანი მჟავები ძალიან მალფუჭებადია. მათში წარმოიქმნება მავნე ქიმიური ნივთიერებები, რომლებსაც დაავადებების გამოწვევა შეუძლია. ცხიმოვანი მჟავებიდან მაქსიმალური სარგებლობის მისაღებად ასეთი პროდუქტები სათანადო პირობებში უნდა შევინახოთ და გამოვიყენოთ აუცილებელი რაოდენობით.

გოგრა

administrator 9-09-2016, 00:40 1 645 რუსთავის ცენტრალური საავადმყოფო / საჭირო ინფორმაცია

 გოგრა რომ არ ყოფილიყო, კონკია ალბათ ვერასოდეს მოხვდებოდა მეჯლისზე და ვერც უფლისწულის ცოლი გახდებოდა. მაგრამ ეს მხოლოდ ზღაპარია. სინამდვილე კი ასეთია - გოგრა ფასდაუდებელი, შესანიშნავი პროდუქტია, რომელსაც აქვს უნარი, მრავალი წლის განმავლობაში შეგვინარჩუნოს სილამაზე, ახალგაზრდობა და სექსუალური მომხიბვლელობაც კი! სამწუხაროდ, გოგრისგან, ამ ნაკლებად ჭირვეული ბაღჩეული კულტურისგან, დამზადებული კერძები ჩვენს სუფრას არც ისე ხშირად ამშვენებს. სულ ტყუილად! უპირველეს ყოვლისა, გოგრა ნამდვილად გემრიელია, ლამაზიც არის (ალბათ იცით, გოგრით ჰელოუინზე სახლებს რთავენ), და რაც მთავარია, ის ძალიან სასარგებლოა! მოამზადეთ მისგან წვნიანები, ფაფები, გარნირები, ბლინები. კარგ კულინარადაც გადაიქცევით და რაც მთავარია, თქვენი ოჯახის ყველა წევრს ჯანმრთელობას გაუუმჯობესებთ. გოგრის ძირითად ღირსებად მიიჩნევა კაროტინისა და ვიტამინების დიდი რაოდენობა. კალათბურთის უზარმაზარი ბურთის მსგავსი ამ ბოსტნეულის რბილობი ასევე შეიცავს დიდი რაოდენობით D ვიტამინს. ბავშვებისთვის ის განსაკუთრებით სასარგებლოა, რადგან აჩქარებს ზრდას, ხოლო მოზრდილებში აუმჯობესებს კალციუმის შეწოვას, ამაგრებს ძვლებს და კბილებს, გარდა ამისა, გოგრაში არის B, ჩ, D, PP, E ჯგუფის ვიტამინები. ისინი ანელებენ დაბერების პროცესს და ეხმარებიან ადამიანს ოპტიმალური წონისა და სექსუალური აქტივობის ნორმის ფარგლებში შენარჩუნებაში. ისევე, როგორც ყველა ნარინჯისფერი ნაყოფი, გოგრაც ანტიდეპრესანტად მიიჩნევა. მიირთვით გოგრა ხშირად და ვერავითარი სევდა და დეპრესია ვერ მოგერევათ! ამ ბოსტნეულს ადვილად ითვისებს ორგანიზმი, ამიტომ გოგრის კერძები რეკომენდებულია სამკურნალო და პროფილაქტიკური კვებისთვის. რადგან ნარინჯისფერი რბილობი არ იწვევს კუჭის წვენის გაძლიერებულ გამოყოფას, ის ხელს უწყობს წყლულის სწრაფ შეხორცებას. გოგრის მინერალური შემადგენლობა (სპილენძის, ფოსფორისა და რკინის ბევრი მარილი) სასარგებლოა სისხლწარმოქმნისთვის, ამიტომაც ის სასარგებლოა ანემიისა და ათეროსკლეროზის პროფილაქტიკისთვის. ამავე დროს პექტინით მდიდარი გოგრა მავნე ქოლესტერინთან შეურიგებელი მებრძოლია. ძალიან სასარგებლოა გოგრა ღვიძლის, თირკმელების, კუჭ-ნაწლავის დაავადებების დროს. ეს ბოსტნეული ერთსა და იმავე დროს კუჭის გამხსნელი და შარდმდენი საშუალებაა.ლ გოგრის კერძები ასევე რეკომენდებულია ჰეპატიტის, ქოლეცისტიტის, ნაღველკენჭოვანი დაავადებების, ქრონიკული კოლიტისა და ენტეროკოლიტის გამწვავების სტადიებში, მწვავე და ქრონიკული ნეფრიტისა და პიელონეფრიტის დროს. დაგეხმარებათ დაძინებაშიარომატული და ტკბილი გოგრის ნაჭერი შვებას ჰგვრის ადამიანს "ზღვის დაავადების" დროს, ორსულს ტოქსიკოზისას. გახეხილი ბოსტნეულის ფაფა შესანიშნავი კომპრესია ეგზემის, დამწვრობისა და მუწუკოვანი გამონაყარის დროს. ნედლი, გახეხილი გოგრის პიურე შესანიშნავი საშუალებაა კუჭის შეკრულობის დროს. თირკმელების სამკურნალოდ გამოიყენება არა რბილობი, არამედ უმი გოგირს წვენი 1/2 ჭიქა დღე-ღამეში. ტკბილ ნარინჯისფერ წვენს აქვს დამამშვიდებელი ეფექტი, აუმჯობესებს ძილს. მიიღეთ 1 ჭიქა 3-ჯერ დღეში ჭამამდე. უძილობის შემთხვევაში მიიღეთ 1/2 ჭიქა ღამით. გოგრის დიეტა რეკომენდებულია მათთვის, ვისაც აწუხებს გულის დაავადებები და თირკმელებისგან გამოწვეული შეშუპება. ასეთი პრობლემების დროს ავადმყოფმა 4 თვის განმავლობაში უნდა მიიღოს გოგრა უმი სახით 0,5 კგ დღე-ღამეში და 1,5 კგ მოხარშული ან შემწვარი სახით. მთელი რიგი დაავადებების დროს ნამდვილი პანაცეაა გოგრის თაფლი. 1 კილოგრამ გასუფთავებულ და გახეხილ გოგრას უმატებენ 200გ შაქარს, ზედმიწევნით აურევენ და დააყენებენ. გამოყოფილ წვენს აცალკევებენ რბილობისგან და დაბალ ცეცხლზე ათბობენ გასქელებამდე. ბოლოს უმატებენ მიხაკსა და დარიჩინს. გოგრის თესლს უძველესი დროიდან იყენებენ ხალხურ მედიცინაში, როგორც ჭიების საწინააღმდეგო საშუალებას, ასევე შარდსასქესო ორგანოების დავადებების სამკურნალო წამალს, განსაკუთრებით შარდის გაძნელებული გამოყოფისას. პარაზიტების წინააღმდეგ ეფექტურია შემდეგი ნარევი: შეურიეთ ერთმანეთს 1 ჭიქა გარჩეული გოგრის თესლი, 2 უმი კვერცხის გული, 1 სუფრის კოვზი თაფლი და 1 ჭიქა ადუღებული წყალი. მიიღეთ დილით უზმოზე, შემდეგ დაიდეთ მარჯვენა გვერდზე ცხელი სათბური და ასე უნდა იწვეთ 2 საათი. 10 დღის შემდეგ პროცედურა უნდა გაიმეოროთ, კიდევ 10 დღის შემდეგ გააკეთეთ იგივე მესამედ და საბოლოოდ. ცისტიტის საწინააღმდეგოდ: 200 გ თესლი დაფქვით ყავის საფქვავში, დაამატეთ 1/2 ლ ადუღებული წყალი, ღამით თერმოსში დატოვეთ, შემდეგ გააცივეთ და მიიღეთ ნახევარი ჭიქა 4-ჯერ დღეში, ჭამის წინ. თუთიით მდიდარი გოგრის თესლის ერთი მუჭი დაიცავს თქვენს საყვარელ მამაკაცს მამაკაცური პრობლემებისგან (კერძოდ, პროსტატიტისგან). ეს პროდუქტი ანელებს წინამდებარე ჯირკვლის ქსოვილის უჯრედების ზრდას, რაც ხელს უწყობს შარდის გამოყოფის გაძნელების თავიდან აცილებას. გოგრის ზეთი შეიცავს ბიოლოგიურად აქტიურ ნივთიერებებს, რომლებიც აღადგენენ ნერვულ სისტემას, ამაღლებენ პოტენციას, ააქტიურებენ იმუნიტეტს. გოგრის ყუნწიც კი სასარგებლოა! მისი ნახარში შესანიშნავი სავლები საშუალებაა კბილის ტკივილის დროს. ხომ დარწმუნდით, რომ გოგრა ნამდვილი სასწაულია! გოგრის სადილი4 ულუფისთვის საჭიროა: 1 ცალი საშუალო ზომის გოგრა, 2 წიწილა, 50გ ბრინჯი, 500გ ვაშვლი და ქლიავი, 2-3 ხახვი, 100გ ნაღების კარაქი, ზეთისხილი და მწვანილი მოსართავად, მარილი. მწიფე გოგრას მოვხადოთ "სახურავი" (მივცეთ ღრმა ჯამის ფორმა), კოვზით მოვაცილოთ თესლი და რბილობის ნაწილი. წიწილები მოვამზადოთ, დავჭრათ თანაბარ ნაჭრებად, შევაშროთ, დავაყაროთ მარილი და შევწვათ 1 სუფრის კოვზ ნაღების კარაქთან ერთად, შეწითლებამდე. ხახვი გავასუფთაოთ, დავჭრათ და მოვთუშოთ მეორე ტაფაზე იმავე რაოდენობის კარაქში. ვაშლს ამოვაჭრათ გულები და ქლიავს გამოვაცალოთ კურკები, დავჭრათ მსხვილ ნაჭრებად. მოვხარშოთ ბრინჯი და შევურიოთ ხახვს. გოგრაში მოვათავსოთ ბრინჯი ხახვთან ერთად, შემდეგ - წიწილის ნაჭრები და ბოლომდე შევავსოთ ვაშლითა და ქლიავით, დავუმატოთ 1 სუფრის კოვზი კარაქი, დავახუროთ "სახურავი" (მოჭრილი გოგრის ნაწილი), დავამაგროთ ხის ჩხირებით. გოგრას მოვუსვათ დარჩენილი კარაქი, მოვათავსოთ ფორმაში და შევდგათ ჰაერღუმელში 2-3 საათით 200 გრადუს ტემპერატურაზე. შემდეგ მოვათავსოთ ლანგარზე და თავი მოვხადოთ. ერთი ულუფა - 606 კკალ. ცილები - 19 გ, ცხიმები - 11 გ, ნახშირწყლები - 44 გ.

ღვიძლი - მისი სასარგებლო თვისებები და მომზადება

administrator 9-09-2016, 00:38 1 329 რუსთავის ცენტრალური საავადმყოფო / საჭირო ინფორმაცია

 ამქვეყნად უამრავი გემრიელი და სასარგებლო საკებია. თეორიულად უპირატესობა მცენარეული წარმოშობისას ენიჭება, თუმცა პრაქტიკულად ცხოველურს უფრო მეტს მივირთმევთ, რადგან უმრავლესობას მათი გემო უფრო მოსწონს და უფრო სასარგებლოდაც მიაჩნია. საერთოდ, რაციონში ყოველგვარი საკვები უნდა შედიოდეს: როგორც ხილი და ბოსტნეული, ისე თევზეული, რძე და მისი ნაწარმი და, რაღა თქმა უნდა, ხორციც. მთავარია, ამა თუ იმ პროდუქტის მოხმარებამ ნორმას არ გადააჭარბოს და სწორად მომზადდეს. მცენარეული საკვები ნამდვილად უფრო მეტი უნდა მივირთვათ, თუმცა რაციონიდან ცხოველური პროდუქტების სულ მთლად ამოღებაც შეცდომა იქნება. უნდა ითქვას ისიც, რომ ცხოველური წარმოშობის ზოგიერთ პროდუქტს ადამიანები შედარებით იშვიათად მიირთმევენ. ხშირად არასწორადაც ამზადებენ მათგან კერძებს, ამიტომ სარგებლობის ნაცვლად მხოლოდ კალორიებს და კუჭის არეში დისკომფორტს იღებენ. ერთ-ერთი ასეთი პროდუქტია ღვიძლი. ის გემრიელია და საოცრად მაღალი კვებითი ღირებულებაც აქვს. მრავალ ქვეყანაში მას დელიკატესად მიიჩნევენ. ღვიძლი მდიდარია ცილებით, მასში შემავალ მინერალებსა და ვიტამინებს კი ადვილად ასათვისებელი ფორმა აქვს. ამიტომ არის, მედიკოსები და დიეტოლოგები დაჟინებით რომ ურჩევენ ქრონიკულად მოავადეებს, კვების რაციონში აუცილებლად ჩართონ ეს პროდუქტი. თუ ღვიძლს სწორად მოამზადებთ და  სხვა თავსებად პროდუქტებთან ერთად მიირთმევთ, თქვენი ორგანიზმი ნორმალური ცხოველმყოფელობისა და ჯანმრთელობისთვის აუცილებელ ყველა  ნივთიერებას მიიღებს. ღვიძლი სასარგებლოა ათეროსკლეროზითა და შაქრიანი დიაბეტით დაავადებულთათვის, ბავშვებისა და ორსულებისათვის, ასევე მათთვის, ვისაც თრომბოზისადმი მიდრეკილება და, საზოგადოდ, სისხლის შედედების დარღვევები აღენიშნება. თევზის ღვიძლითევზის ღვიძლი, განსაკუთრებით - ვირთევზასი, მეტად ღირებული პროდუქტია. ის უმთავრესად დაკონსერვებული იყიდება და ამ სახითაც კი მეტად კალორიულია (100 გრამში 600-ზე მეტი კილოკალორიაა), ამიტომ მისი დიდი რაოდენობით ჭამა არ არის რეკომენდებული. პროდუქტი უხვად შეიცავს თევზის ქონს, კერძოდ, ქოლესტერინსა და ცხიმოვან მჟავებს, აგრეთვე - ცილებსა და ნახშირწყლებს, ორგანულ მჟავებს, A, PP, C, D, E და B  ჯგუფის ვიტამინებს, ნატრიუმს, ფოსფორს, ქლორს, მაგნიუმს, კალიუმს, კალციუმს, რკინას, თუთიას, ქრომს, ფთორს, იოდს, ნიკელსა და მოლიბდენს. დადგენილია, რომ თუ დედა ორსულობისას რეგულარულად იკვებებოდა ვირთევზას ღვიძლით, შვილი იშვიათად ავადმყოფობს და ყოველგვარი ინფექცია ადვილად გადააქვს. ინფექციისგან ორგანიზმს იცავს ადვილად ასათვისებელი A ვიტამინი. ეს უკანასკნელი D ვიტამინსა და სხვა ნივთიერებებთან ერთად აუმჯობესებს ტვინის მუშაობას, ამახვილებს მხედველობას, აჯანსაღებს ძვლოვან ქსოვილს, უზრუნველყოფს ყურადღების კონცენტრაციას, კბილების, კანისა და თმის სიჯანსაღეს. ღორის ღვიძლიღორის ღვიძლი ასევე მდიდარია ქოლესტერინით, მინერალებითა და ვიტამინებით. ის შეიცავს H ვიტამინსაც, რომელიც სილამაზის ვიტამინად არის აღიარებული. B ჯგუფიდან კი ღორის ღვიძლში რვა ვიტამინი შედის. 100 გრამი პროდუქტის ენერგეტიკული ღირებულება 110 კილოკალორიაა. საქონლის ღვიძლისაქონლის ღვიძლი შემადგენლობით რამდენადმე წააგავს ღორისას, თუმცა სასარგებლო ნივთიერებებით მასზე მდიდარია, თანაც უფრო კალორიული - 130 კილოკალორია 100 გრამ პროდუქტზე. გარდა ვიტამინების სრული ნაკრებისა, საქონლის ღვიძლში არის ბეტა-კაროტინი, D და K ვიტამინები, ოცამდე მინერალი, სხვადასხვა ფერმენტი, ამინმჟავა და სხვა ნივთიერებები. ქათმის ღვიძლი ქათმის ღვიძლი ღორისაზე კალორიულია (100 გრამი 140 კილოკალორიას შეიცავს), თუმცა მას უფრო ადვილად ითვისებს ორგანიზმი. ქათმის ღვიძლი მდიდარია ადვილად ასათვისებელი ცილებით, ფოლიუმის მჟავათი და A ვიტამინით, ამიტომ, ვირთევზას ღვიძლის დარად, ძალზე სასარგებლოა ბავშვებისა და ორსულებისთვის. მომზადების წესიღვიძლის შეძენისას ყურადღება უნდა მიაქციოთ მის ფერსა და ფაქტურას. ახალი ღვიძლი გლუვია, ბაცი ყავისფერი ან ღია მოწითალო, გაჭრილი ზედაპირი კი მოწითალო-ყავისფერი ან ყავისფერი აქვს.  ღვიძლს უმეტესად წვავენ, თანაც არასწორად, ამიტომაც ბევრს ის არ უყვარს. სწორად შემწვარი ღვიძლი გემრიელი, არომატული და ნაზია. კარგად გარეცხილ საქონლის ან ღორის ღვიძლს აპკი უნდა მოაცილოთ, ერთი სანტიმეტრი სისქის ნაჭრებად დაჭრათ, დააყაროთ ცოტაოდენი სოდა და ერთი საათი გააჩეროთ, მერე გამდინარე წყალში კარგად გარეცხოთ,  გემოვნებისამებრ მოაყაროთ მარილი, წიწაკა და სანელებლები, ფქვილში ამოავლოთ, გავარვარებულ ტაფაზე დადოთ და ერბოში შეწვათ - დაახლოებით 3-4 წუთი თითოეულ მხარეს. ამ რეცეპტით შემწვარ ღვიძლს უხდება კარტოფილის პიურე, ბრინჯი, პომიდვრის სოუსი, თუმცა გარნირად ყველაფერს სჯობია ახალდაჭრილი მწვანილი და უცხიმო არაჟანი, სალათის ფურცლები, კიტრი, ყაბაყი, ბროკოლი. მათთან ერთად ღვიძლი უფრო გემრიელიც არის, სასარგებლოც და იოლი მოსანელებელიც. არ არის რეკომენდებული ღვიძლის ჭამა მაკარონთან და ცხიმიან სოუსთან ერთად. ღუმელში შემწვარი ღვიძლი უფრო იოლი ასათვისებელია, ვიდრე ტაფაზე შემწვარი.

ალუბალი

administrator 9-09-2016, 00:36 296 რუსთავის ცენტრალური საავადმყოფო / საჭირო ინფორმაცია

 ალუბალი ვარდისებრთა ოჯახის მცენარეა. ალუბლის გვარს მიეკუთვნება ბალიც. ალუბლის ნაყოფი წვნიანი და გემრიელია. ალუბლისა და ბლის ქიმიური შემადგენლობა ასეთია: წყალი - 80%, შაქარი - 10-17,3%, მჟავები - 0,8-2,4%, ნახშირწყლები - 20%, აზოტოვანი ნივთიერებები - 0,7%, უჯრედისი - 6%, მთრიმლავი ნივთიერება - 0,15-0,88%. იყენებენ ნედლსაც და გადამუშავებულსაც (მურაბა, ჯემი, კომპოტი, ნაყენი, საკონდიტრო ნაწარმი). ალუბლის ახალმოკრეფილი ნაყოფი ძვირფასი საკვები პროდუქტია. მას სამკურნალო თვისებები აქვს. კერძოდ, შეიცავს დიდი რაოდენობით ნახშირწყლებს, გლუკოზასა და ფრუქტოზას, ასევე B1, B6, C, E, K და PP ვიტამინებს, მაგნიუმს და იოდს. ბალი შემადგენლობით ალუბლის მსგავსია, მაგრამ ვიტამინებითა და ორგანული მჟავებით შედარებით ღარიბია, თუმცა გაცილებით მდიდარია გლუკოზისა და პექტინების შემცველობით. ვიტამინებით მდიდარი ალუბალი საუკეთესო საშუალებაა ჰიპოვიტამინოზისა და ასთენიის სამკურნალოდ რკინის, მაგნიუმის, C ვიტამინისა და ფოლიუმის მჟავას შემცველობის გამო. ის აჩქარებს სისხლის წარმოქმნას და შეუცვლელია ბავშვებისა და ორსულებისთვის. ალუბალს ახასიათებს ამოსახველებელი და ბრონქოლიზური მოქმედება, ამიტომ ეფექტურია სასუნთქი სისტემის ინფექციური და ანთებითი დაავადებების დროს. ალუბლისა და ბლის შემადგენლობაში შემავალი A ვიტამინი საჭიროა მხედველობისთვის, ძვლებისა და კბილების სიმაგრისთვის. B ვიტამინი უცვლელია ნერვული სისტემის ნორმალური ფუნქციობისთვის, უნარჩუნებს კანს სიჯანსაღეს, ამაგრებს თმასა და ფრჩხილებს. ფოლიუმის მჟავა და რკინა აწესრიგებს სისხლის შემადგენლობას. C ვიტამინი იცავს ორგანიზმს ინფექციებისა და ვირუსული დაავადებებისგან, ამაგრებს გულის კუნთს და სისხლძარღვების კედლებს. ალუბლისა და ბლის მთავარი სიმდიდრეა კუმარინები. ეს ნივთიერებები საჭიროა ორგანიზმისთვის ტონუსის შესანარჩუნებლად. კუმარინებით მდიდარ ხილსა და კენკრას ურჩევენ ხანგრძლივი ავადმყოფობის შედეგად დასუსტებულ ადამიანებს. ამ ნივთიერებათა შემცველობით ეს ხილი მხოლოდ მოცხარს, ჟოლოსა და ბროწეულს თუ ჩამოუვარდება. ალუბლისა და ბლის წვენი არაჩვეულებრივი მატონიზებელი საშუალებაა. ალუბალი დიეტური პროდუქტიცაა. სიმსუქნისა და ათეროსკლეროზის დროს მისი ხანგრძლივი მიღება ამცირებს სისხლში ქოლესტერინის დონეს, აძლიერებს  თერმოგენეზს და ხელს უწყობს წონის კლებას. მიირთვით ალუბალი კოლიტის, ყაბზობისა და ბუასილის დროს. მისი ნაყოფი და წვენი კარგია პოდაგრის დროსაც. უმადობის დროს კი შეგიძლიათ ჭამამდე ნახევარი საათით ადრე დალიოთ ნახევარი ჭიქა უშაქრო ალუბლის წვენი. ის ასევე გამოიყენება პირში გამოსავლებად პირის ღრუს ანთებითი დაავადებების, კერძოდ, სტომატიტისა და გინგივიტის დროს, გარდა ამისა, აყუჩებს ტკივილს, ამცირებს შეშუპებას და ანთებას. ალუბლის ნაყოფი და ფოთლები ნატურალური ანტიბიოტიკებია. მათში უხვად არის ფიტონციდები, რომლებიც ხელს უშლის ბაქტერიების გამრავლებას. ბალი და ალუბალი შეიცავს ნივთიერებათა ცვლისა და საჭმლის მონელების გამაუმჯობესებელ ნივთიერებებს. ალუბლის წვენში არსებული ბირთვაკი სასარგებლოა კენჭოვანი დაავადებების დროს. ყვავილებისგან გამოხდილი წყლით კარგია გაღიზიანებული თვალების ამობანა. ალუბლის წვენს აქვს მსუბუქი შარდმდენი თვისება, აქვეითებს სისხლში მჟავიანობას. რეკომენდებულია ღვიძლისა და ნაღვლის ბუშტის დაავადებების დროს. წვენი განსაკუთრებით სასარგებლოა ჰიპერტონიკებისთვის. ასევე ხელს უწყობს წონის კლებას. ალუბლის ყუნწების ნახარში სასარგებლოა კრიტიკულ დღეებში, სისხლდენისა და სახსრების ტკივილის დროს. ალუბალში შემავალი კუმარინი ხელს უშლის სისხლის შესქელებას, ათეროსკლეროზის განვითარებას. სასარგებლოა ანემიის დროს. ამერიკელმა მეცნიერებმა აღმოაჩინეს, რომ ალუბალს კიდევ ერთი სასარგებლო თვისება აქვს: მას ართრიტის ერთ-ერთი ყველაზე გავრცელებული სახეობის პროფილაქტიკა შეუძლია. ალუბლის რეგულარული გამოყენება ხელს უშლის ოსტეოართრიტის განვითარებას. ართრიტის ეს სახეობა ხელებს, ფეხებს, განსაკუთრებით - მუხლებს, და ხერხემალს აზიანებს. მეცნიერებმა ალუბლის ექსტრაქტზე დამზადებული სპეციალური სამკურნალო პრეპარატები შექმნეს, თუმცა გახსოვდეთ, რომ ყველაზე სასარგებლო მაინც ცოცხალი ხილია. ამერიკელმა მეცნიერებმა დაადგინეს, რომ ალუბლის ყოველდღიური მიღება ამცირებს არა მარტო ქოლესტერინის დონეს, არამედ დიაბეტისა და ართრიტის წარმოქმნის რისკსაც. ამასთან, ცოცხალი ალუბლის მიღება აუცილებელი არ არის - გამოდგება მისი მურაბა, კომპოტი და ჯემიც კი. რაც უფრო მუქი ფერისაა ალუბალი, მით უფრო სასარგებლოა. სამკურნალო ეფექტი განპირობებულია პიგმენტით, რომელიც ხილს წითელ ფერს აძლევს. ინგლისელმა მეცნიერებმა აღმოაჩინეს, რომ ალუბლის მჟავე ჯიშების წყალობით უფრო სწრაფად ხდება კუნთების აღდგენა მძიმე ფიზიკური დატვირთვის შემდეგ. ცნობილი დიეტოლოგები აღნიშნავენ, რომ ალუბალი - შესანიშნავი დამატებაა სპორტული ვარჯიშის დროს. ამასთან, ეს ხილი ხელმისაწვდომია წელიწადის ნებისმიერ დროს - ცოცხალი, გაყინული, ჩირი, წვენი... ჩირი შეგიძლიათ დაუმატოთ შვრიის ფაფას ან იოგურტს. ალუბალი შეიცავს მელატონინს, რომელიც ძილიანობას იწვევს. ასე რომ, ვისაც უძილობა ტანჯავს, შეუძლია ალუბალი სცადოს. ალუბლისგან მზადდება შესანიშნავი სასმელები (ლიქიორი), მას იყენებენ კულინარიაში.

ზღვის პროდუქტები

administrator 9-09-2016, 00:35 1 692 რუსთავის ცენტრალური საავადმყოფო / საჭირო ინფორმაცია

 ზღვის ნობათი ადამიანის ერთ-ერთი პირველი საკვებია, რომელსაც იგი ჯერ კიდევ გამოქვაბულში ცხოვრების პერიოდში მოიპოვებდა, თუმცა რამდენიმე ათწლეულია, რაც მის სასარგებლო თვისებებზე განსაკუთრებით აქტიურად ალაპარაკდნენ. იაპონელები, რომლებიც თითქმის ყველა სხვა ხალხზე მეტ ხანს ცოცხლობენ, ყოველდღიურად მიირთმევენ ზღვის პროდუქტებს. სპეციალისტებს მიაჩნიათ, რომ სწორედ ასეთი რაციონის წყალობით არიან ისინი ჯანმრთელნი და საკმაოდ ძლიერი იმუნიტეტიც აქვთ. ზღვის ნობათად ბევრი მხოლოდ თევზს მიიჩნევს. სინამდვილეში მათ რიცხვს მიეკუთვნება ყველა ის უხერხემლო ცხოველი, რომელიც ზღვებსა და ოკეანეებში ბინადრობს - კიბორჩხალები, მიდიები, მოლუსკები, ლოკოკინები, რვაფეხები და, რაც მთავარია, უამრავი სასარგებლო ნივთიერებით გაჯერებული წყალმცენარეები. მაინც რა აქცევს სუპერპროდუქტად ზღვის ნობათს? ზღვის ცილაზღვის ხორცი უნიკალური პროდუქტია. ოკეანის დელიკატესები გამოირჩევა ცილის მაღალი შემცველობით და იმავდროულად 4-5-ჯერ უფრო დაბალკალორიულია, ვიდრე ხმელეთისა, ამიტომ თევზის ჭამა თითქმის შეუზღუდავი რაოდენობით შეიძლება. ზღვის ცილას ორგანიზმი გაცილებით სწრაფად ითვისებს, ვიდრე საქონლის, ღორის ან ხმელეთის რომელიმე სხვა ცხოველის ცილას, რადგან იგი გაცილებით ნაზი და რბილია. მინერალები და მიკროელემენტებინებისმიერი სახის ზღვის პრიოდუქტი ორგანიზმს მინერალებითა და მიკროელემენტებით ამდიდრებს. მათ შორის ყველაზე მნიშვნელოვანია რკინა, ფოსფორი, კალიუმი. მოლუსკები მდიდარია ნიკელითა და სპილენძით, მიდიებში კი ბევრია კობალტი. თევზის ხორცში დიდი რაოდენობითაა A, B, D, C და E ვიტამინები, გარდა ამისა, ის მდიდარია იოდით, თუთიით და მანგანუმით. თუ მენიუს ზღვის პროდუქტებით გაიმდიდრებთ, ეს დადებითად აისახება გულზე, რადგან მისი კარგი მუშაობისთვის აუცილებელია პოლიუჯერი მჟავები, რომლებიც ამ გასაოცარ პროდუქტებში უხვადაა. რა სახითაც არ უნდა მიირთვათ ზღვის პროდუქტი, დარწმუნებული ბრძანდებოდეთ, რომ საკმარისი რაოდენობით მიიღებთ კალციუმსა და იოდს, რომლებიც შეუცვლელია ადამიანის ორგანიზმისთვის. საყოველთაოდ ცნობილია, რომ კალციუმი ამაგრებს ძვლებს, ხელს უწყობს სისხლის შედედებას და ზრდის ალერგიული რეაქციებისა და ინფექციების წინააღმდეგ ორგანიზმის ბრძოლის უნარს. ადამიანისთვის ამ მინერალის აუცილებელი სადღეღამისო ოდენობა 1200 მგ-ია. ამასთან, 100 გრამი მოლუსკი შეიცავს 135 მგ კალციუმს, 100 გრამი კიბორჩხალა - 221 მგ-ს, ქაშაყი - 350 მგ-ს, კონსერვირებული ზუთხი - 300 მგ-ს. ადამიანის ინტელექტის დონეს განსაზღვრავს მის მიერ მოხმარებული იოდი, რომელიც არეგულირებს ფარისებრი ჯირკვლის მუშაობას. მისი დეფიციტი მავნეა ორსულებისთვის. მასზე სადღეღამისო მოთხოვნა 100-120 მგ-ია. 100 მგ ამ მიკროელემენტს შეიცავს 38 გრამი ზუთხი, 190 გრამი ქაშაყი, 200 გრამი თინუსი. იოდით მდიდარია რვაფეხები, მიდიები და მოლუსკებიც. ცხიმებიგანსაკუთრებულ ყურადღებას იმსახურებს ზღვის პროდუქტის შემადგენლობაში შემავალი ცხიმი, უფრო ზუსტად, პოლიუჯერი ცხიმოვანი მჟავები ომეგა-3 და ომეგა-6. მათი მთავარი ღირსება ის გახლავთ, რომ ისინი ხელს უშლიან სისხლძარღვთა კედელზე ქოლესტერინის დალექვას, აძლიერებენ თვალის ბადურა გარსს, ნერვულ ქსოვილსა და ტვინის ფუნქციებს. ომეგა-3 აუცილებელია მომავალი დედებისთვის, განსაკუთრებით - ორსულობისას, რადგან ისინი ხელს უწყობენ ორსულობის ვადამდე მიყვანას, ბავშვის გონებრივ განვითარებას, ამცირებენ მომავალში ასთმითა და ალერგიით დაავადების რისკს. ზღვის კომბოსტოამ წყალმცენარის ყველაზე დიდი ღირსება იოდია. ამ ელემენტის გარეშე წარმოუდგენელია ნივთიერებათა ცვლის სწორად წარმართვა. იოდის შემცველი პროდუქტები აუცილებლად უნდა შედიოდეს დიდი ქალაქების მკვიდრთა ყოველდღიურ რაციონში, რადგან ამ ელემენტს შეუძლია ჩვენი ორგანიზმიდან იმ მავნე ნივთიერებების გამოდევნა, რომლებითაც ასე ძალიან არის დაბინძურებულ დიდი ქალაქების ჰაერი. ზღვის კომბოსტო სასარგებლოა მათთვისაც, ვინც გონებრივ შრომას ეწევა. იოდი აუცილებელია ყურადღების კონცენტრაციისა და კარგი მეხსიერებისთვის. ზღვის კომბოსტო უხვად შეიცავს A, ჩ, D და B ჯგუფის ვიტამინებს. მდიდარია E ვიტამინითაც, რომელიც აქვეითებს ონკოლოგიური და გულ-სისხლძარღვთა დაავადებების განვითარების რისკს. ზღვის კომბოსტო თამამად შეიძლება ჩართონ საკუთარ მენიუში მათაც, ვისაც წონის დაკლება სურს. დაბალკალორიული წყალმცენარე კუჭში ფუვდება და სწრაფად აჩენს დანაყრების შეგრძნებას. გარდა ამისა, იგი მდიდარია ნივთიერებებით, რომლებიც აჩქარებს ნივთიერებათა ცვლას და ხელს უშლის ჭარბი წონის დაგროვებას. ეს წყალმცენარე კარგია ქოლესტერინის სიჭარბის დროსაც, რამდენადაც შეიცავს ბეტა-სიტოსტერინს, რომლის მეოხებით სისხლძარღვთა კედლებზე ჩალაგებული ათეროსკლეროზული ფოლაქები იშლება. ზღვის კომბოსტო ყაბზობასთან ბრძოლაშიც გვეხმარება. დიდი ხანია, მას მსუბუქ საფაღარათო საშუალებად იყენებენ. მიუხედავად ამდენი ღირსებისა, ზღვის კომბოსტოს განუსაზღვრელი რაოდენობით ჭამა არ შეიძლება - მცენარეული უჯრედისით მდიდარმა პროდუქტმა შესაძლოა პრობლემები შეუქმნას საჭმლის მომნელებელ ტრაქტს. ზღვის კომბოსტო აკრძალულია მათთვის, ვისაც აქვს იოდისადმი მომატებული მგრძნობელობა, საჭმლის მომნელებელი ტრაქტის მწვავე დაავადებები, თირკმლის დაზიანება, ჰემორაგიული დიათეზი, ჭინჭრის ციება, ფურუნკულოზი. სახიფათოა ორსულობის პერიოდშიც. ყველა ასაკოვანმა ადამიანმა კვირაში ერთხელ მაინც უნდა მიირთვას ზღვის რომელიმე პროდუქტი. იგი 34%-ით ამცირებს მოხუცებულთა ჭკუასუსტობისა და ალცჰაიმერის დაავადების რისკს. ზღვის პროდუქტები აუცილებელია ბავშვებისთვისაც. რეკომენდებულია, მათ კვირაში 400 გრამამდე სხვადასხვა სახის თევზი მიირთვან. ორსულმა კვირაში 360 გრამი ზღვის პროდუქტი მაინც უნდა მიირთვას - მათ შემადგენლობაში შემავალი სასარგებლო ნივთიერებები პატარას ორგანიზმს ნორმალური მხედველობითი, სივრცითი და მოძრაობითი უნარების ჩამოყალიბებაში ეხმარება. სიფრთხილეს თავი არ სტკივაამრიგად, ზღვის პროდუქტების მარგებლობაზე აღარავინ დავობს, მაგრამ სპეციალისტები მაინც სიფრთხილისკენ მოგვიწოდებენ - ეს ის პროდუქტებია, რომლებიც ყველაზე ხშირად იწვევს საკვებ ალერგიებსა და მძიმე მოწამვლებს. ზღვის ნობათი მალფუჭებად პროდუქტებს მოიცავს, ამიტომ არასწორი შენახვისა და ტრანსპორტირებისა პირობებში, ასევე - თერმული დამუშავების გარეშე მათში ადვილად მრავლდებიან დაავადებათა გამომწვევი მიკროორგანიზმები. ზღვის თევზი, განსაკუთრებით - მტაცებელი ჯიშები, ხშირად შეიცავს სპილენძს. მოლუსკებსა და სხვა უხერხემლოებშიც შეიძლება იყოს ადამიანისთვის მეტად მავნე მძიმე ლითონები. მიდიები ზოგჯერ დარიშხანით არის გაჯერებული, რომელიც ორგანიზმის მძიმე მოწამვლას იწვევს. არანაკლებ მწვავე პრობლემაა მიკროსკოპული პარაზიტები. თუ პროდუქტები სათანადოდ არ დამუშავდა, მათში შესაძლოა პარაზიტულმა ჭიებმა დაიდონ ბინა. როგორ მოვიქცეთ?დაიხსომეთ რამდენიმე წესი: შეიძინეთ მხოლოდ და მხოლოდ ახალი და ხარისხიანი პროდუქტი. გაითვალისწინეთ, რომ იაპონიასა და იმ ქვეყნებში, სადაც ზღვის პროდუქტები რაციონის მთავარი კომპონენტია, ზღვის ნობათს პრაქტიკულად დაჭერიდან რამდენიმე საათში ამზადებენ. მოლუსკებსა და ლოკოკინებს მთელ მსოფლიოში ახალდაჭერილს მიირთმევენ, ჩვენ კი მხოლოდ გაყინულზე მიგვიწვდება ხელი, ეს კი ნიშნავს, რომ მათ მხოლოდ კვებითი ღირებულება კი არ აქვთ დაკარგული, არამედ შესაძლოა პარაზიტებსაც შეიცავდნენ. უვნებელია წელიწადის ცივ პერიოდში დაჭერილი მიდიები. საშიშია ბევრისთვის საყვარელი სუში - გარდა იმისა, რომ შესაძლოა პარაზიტით იყოს დაბინძურებული, მისი დიდი რაოდენობით ჭამისას, გამორიცხული არ არის, ღვიძლი გაგიღიზიანდეთ. ვიდრე მეგობრების მიერ დაჭერილ თევზს შეექცეოდეთ, აუცილებლად იკითხეთ, სად, რამდენად სუფთა წყალში დაიჭირეს იგი. მიირთვით მხოლოდ კარგად შენახული და თერმულად სათანადოდ დამუშავებული პროდუქტი.

გულისთვის სასარგებლო საკვები

administrator 9-09-2016, 00:32 1 593 რუსთავის ცენტრალური საავადმყოფო / საჭირო ინფორმაცია

 სამეცნიერო კვლევებით დადგენილია, რომ ადამიანის გულს ნორმალურად, ყოველგვარი ხარვეზის გარეშე, 150 წლის განმავლობაში შეუძლია ფუნქციობა. ეს ცნობა ზოგს გააოცებს, ზოგს კი ღიმილს მოჰგვრის. გასაგებია, რომ თანამედროვე ადამიანს სიცოცხლის ასეთი ხანგრძლივობა არარეალური ეჩვენება. არადა, თურმე ამაზე მეტხანსაც შეიძლება ვიცოცხლოთ! მთავარია, გავუფრთხილდეთ ჯანმრთელობას, ხელი შევუწყოთ გულს (მოგეხსენებათ, გულ-სისხლძარღვთა სისტემის დაავადებებს სიკვდილიანობის მიზეზთა ნუსხაში უწინდებურად პირველი ადგილი უკავია). ამ დაუღალავ ორგანოს სიჯანსაღე რაც შეიძლება  მეტხანს რომ შევუნარჩუნოთ, ბევრი რამ არის საჭირო: სპორტი, სუფთა ჰაერი, სრულფასოვანი დასვენება, მშვიდი და ჰარმონიული გარემო, მხიარულება, დადებითი ემოციები და, რაც მთავარია, სასარგებლო საკვებით რაციონალური კვება. ამჯერად, თქვენს ყურადღებას სწორედ საკვებზე შევაჩერებთ. გულისთვის  სასარგებლო პროდუქტები თევზი. ხორცსა და ხორცის პროდუქტებს ადამიანის საკვებ რაციონში მნიშვნელოვანი ადგილი უკავია. ზოგს ხორცი ისე უყვარს, რომ უხორცოდ უბრალო წვნიანსაც კი არ შეჭამს. ხორცთან ერთად ხშირად მიირთმევენ ყველს, კვერცხსა და სხვა არათავსებად პროდუქტებს. ჩვენს გულს კი ხორცზე მეტად თევზი სჭირდება, თანაც რაც შეიძლება ხშირად - კვირაში 2-3-ჯერ მაინც. გულისთვის ყველაზე სასარგებლოა ზღვის ცხიმიანი თევზი - ორაგული, ქაშაყი, სკუმბრია, სარდინი, თინუსი. მართალია, ტბებსა და მდინარეებში ბინადრობს, მაგრამ ასევე სასარგებლოა გულისთვის კალმახი. ყველა ჩამოთვლილი სახეობის თევზი აუმჯობესებს სისხლის შედგენილობას, ხელს უშლის თრომბების წარმოქმნას, რითაც აფერხებს გულის დაავადებათა განვითარებას. მარცვლეული აფერხებს ათეროსკლეროზული პროცესებისა და იშემიური დაავადების განვითარებას. განსაკუთრებით სასარგებლოა საღი, დაუმუშავებელი ხორბალი, მურა ბრინჯი, შვრია, ქერი, სიმინდი, წიწიბურა. ეს უკანასკნელი მარცვლოვან კულტურებს არ მიეკუთვნება, თუმცა ენათესავება მათ. წიწიბურა მდიდარია რუტინით, რომელიც უზრუნველყოფს კაპილარების და, საზოგადოდ, წვრილი სისხლძარღვების ელასტიკურობასა და სიმტკიცეს, რითაც ხელს უშლის მათ დაცობას და აუმჯობესებს სისხლის მიმოქცევას. ქერი მდიდარია სასარგებლო საკვები ბოჭკოებით, რომლებიც ამცირებს სისხლში მავნე ქოლესტერინის დონეს. სიმინდი ორგანიზმს საჭირო ამინმჟავებითა და ანტიოქსიდანტებით ამარაგებს. გულისთვის მეტად სასარგებლოა ბარდა და სხვა პარკოსნებიც, მათ შორის - ოსპი. ეს კულტურები უხვად შეიცავს მცენარეულ ცილას, უჯრედისს და, რაც მთავარია, კალიუმს, რომელიც გულისთვის აუცილებელია. დიეტოლოგებს მიაჩნიათ, რომ სავსებით შესაძლებელია, რაციონში ხორცი პარკოსნებით შევცვალოთ - ისინი, ხორცისგან განსხვავებით, არ შეიცავენ მავნე ცხიმებს; სამაგიეროდ გაჯერებულნი არიან ფლავონოიდებით, ფოლიუმის მჟავათი და რკინით, რომელთა ნაკლებობაც, უწინარეს ყოვლისა, სისხლძარღვთა კედლის სტრუქტურაზე აისახება. პარკოსნების რეგულარული მიღება, ისევე როგორც მარცვლოვნებისა, გულს ინფარქტისგან იცავს. ბოსტნეული საჭიროა არა მხოლოდ გულის, არამედ მთელი ორგანიზმის, მისი ცალკეული ორგანოებისა და ორგანოთა სისტემების ჯანმრთელობისთვის. გამორჩევით სასარგებლოა ზოგიერთი სახეობა. მათ მეცნიერები ბუნების განსაკუთრებულ საჩუქრებს უწოდებენ. ასეთია, მაგალითად, ბროკოლი. ის კომბოსტოს ყველაზე ძვირფასი ჯიშია - ისეთი მდიდარია ანტიოქსიდანტებითა და მინერალური ნივთიერებებით, რომ ათეროსკლეროზის საპროფილაქტიკო საუკეთესო საშუალებად არის მიჩნეული. გარდა ამისა, ეს მკვეთრი მწვანე ფერის კომბოსტო პრაქტიკულად სავსებით ანეიტრალებს ჩვენს ორგანიზმში მოხვედრილ ყველა კანცეროგენს - სიმსივნის გამომწვევ მავნე აგენტს. გოგრა მდიდარია კალიუმით, ჩ ვიტამინით, ბეტა კაროტინით, სხვადასხვა ვიტამინითა და მინერალით. გოგრის მოყვარულებს სისხლძარღვები იდეალურად სუფთა აქვთ, არტერიული წნევა - ნორმის ფარგლებში, ორგანიზმში არასოდეს უგროვდებათ ზედმეტი სითხე, მათი გული უპრობლემოდ ფუნქციობს, ისინი თავისუფლად მოძრაობენ და თავს მუდამ მსუბუქად გრძნობენ. ნიორი. ყველამ იცის, ნიორი სოკოებისა და ვირუსების საწინააღმდეგო საუკეთესო იარაღია, მაგრამ ნუ დაგვავიწყდება, რომ ის ჰიპერტონიის სამკურნალო ეფექტური საშუალებაც არის. მაღალი არტერიული წნევის მქონე პირებმა ნიორი ყოველდღე უნდა მიირთვან. მასში შემავალი ნივთიერებები წმენდს სისხლძარღვებს და ამცირებს მათ ტონუსს, რითაც ხელს უწყობს მომატებული წნევის დაქვეითებას. ჯანმრთელ ადამიანს წნევის ნორმაზე მეტად დაწევა არ ემუქრება, ჯანმრთელობის განმტკიცებაში კი ნიორი ძალიან დაეხმარება, რადგან მას მძლავრი ანტიკანცეროგენული თვისებებიც აქვს. ძალზე სასარგებლოა გულისთვის ნიგოზიც. მასში იმდენი ცილაა, რომ თუ რეგულარულად მიირთვით, თამამად შეგიძლიათ, რაციონში ხორცის ოდენობა შეამციროთ. ნიგოზი მდიდარია ცხიმით, რომელიც ორგანიზმისთვის ძნელად ასათვისებელ ცხოველურ ცხიმს კი არ ჰგავს, არამედ მდიდარია უჯერი ცხიმოვანი მჟავებით - ლინოლის, ლინოლენის, ოლეინის, პალმიტინის, სტეარინის მჟავებით და სხვა. ხილი და კენკრა. ხილიდან გულისთვის განსაკუთრებით სასარგებლოა ვაშლი, ბროწეული, ალუბალი, ბალი და გრეიპფრუტი, კენკრიდან - ჟოლო, წითელი და შავი მოცხარი, მარწყვი. ხილისა და კენკრის ეს სახეობები აუმჯობესებს სისხლის შემადგენლობას, ამაგრებს სისხლძარღვებს, ხელს უწყობს წნევისა და წყალმარილოვანი ბალანსის შენარჩუნებას, რითაც გულ-სიხლძარღვთა დაავადებების პროფილაქტიკას უზრუნველყოფს. გარდა ამისა, ორგანიზმს სიმსივნური პროცესების განვითარებისგან იცავს და ბევრი სხვა სამკურნალო ეფექტიც აქვს.
საიტი შეიქმნა 2016 წელს, საიტის შემქმნელი: astalavista. ყველა უფლება დაცულია
დახურვა
ჩვენს შესახებ